Adriano është shumë i lumtur me rastin e rikthimit të tij në fanellën e Interit, të cilën e mbajti mbrëmë në ndeshjen miqësore kundër Al Hilal.

“Unë po rikuperohem ngadalë. Më duhet ende kohë të vij në nivelin më të lartë psikologjik. Por jam mirë, jam i lumtur dhe shpresoj se do të kthehem më i fortë se më herët”, ka thënë Adriano.

Sulmuesi brazilian pati rastin të luajë vetëm pjesën e parë të ndeshjes. Zikaltrit shënuan fitore minimale prej 1-0 me golin e vetëm të Burdisos.