Shumë njerëz tanimë janë njoftuar me Internet Explorer 8 të fundit në versionin beta, mirëpo në takimin e djeshëm të Microsoftit ‘Financial Analyst Meeting’, Bill Veghte ka konfirmuar daljen e versionit final të këtij shfletuesi deri në fund të këtij viti.

Shefi i Microsoft për shërbime online, Bill Veghte, gjithashtu ka konfirmuar daljen edhe të versionit të dytë beta të IE8 gjatë muajit të ardhshëm me theks të veçantë në përsosmëri për profesionistët e teknologjive komunikuese e informuese. Edhe pse IE8 është paralajmëruar për fund të vitit, të takim nuk është bërë fjalë për versionin e tretë beta të këtij shfletuesi të popullarizuar.

Gjithashtu, Veghte ka prekur temën e sistemit të ri operativ Windows 7 i cili sipas tij "po përparon jashtëzakonisht mirë” mirëpo nuk ka përmendur detajet e sistemit të ardhshëm operativ. Ardhja e pritur e sistemit operativ Windows 7 është në vitin 2010, mirëpo krejt kjo është ende “në ajër”, sepse askush nga Microsofti nuk e ka përmendur sistemin e ri operativ përveç në planifikime.