Trajneri i Newcastle, Kevin Keegan, thotë se Michael Owen do të nënshkruajë marrëveshje të re me klubin gjatë dy ose tre javëve të ardhshme.

“Unë nuk jam i kyçur në bisedime, kjo i takon Dennis Wise dhe Tony Jiminez. Ai dëshiron të mbetet. Shpresoj se do ta rregullojmë këtë brenda dy ose tre javësh”, ka thënë Keegan.

Kontrata e Owen me Newcastle skadon në verën e ardhshme.

Keegan ka komentuar edhe rastin e Obafemi Martins, duke thënë edhe se pas vdekjes së nënës së tij, do t’i japë sulmuesit nigerian aq kohë sa të ketë nevojë.

“Është një tragjedi, do të bëjmë gjithçka që ta ndihmojmë”, ka shtuar Keegan.