Negociatorė tė Bashkimit Evropian kanė rėnė dakord tė vazhdojnė bisedimet pėr njė plan kompromisi pėr tė shpėtuar bisedimet tregtare, tė cilat kanė pėr objektiv rritjen ekonomike botėrore.
Komisioneri për tregti i Bashkimit Evropian, Peter Mendelson tha të shtunën se ishte i kënaqur që shumica e vendeve anëtare të Bashkimit Evropian e përkrahin planin, pas një ngecjeje prej një jave.
Ministrja franceze e tregtisë Ann Marie Idrac tha më herët se vendet e Bashkimit Evropian kishin kërkuar nga zoti Mendelson që të bëjë disa përmirësime në planin e propozuar nga shefi i Organizatës Botërore të Tregtisë Paskal Lami. Por presidenti francez Nikolas Sarkozi dhe kryeministri italian Silvio Berluskoni shprehën shqetësimet e tyre se vendet e Bashkimit nuk do të përfitojnë nga disa prej propozimeve të bëra.
Vendet e zhvilluara dëshirojnë qasje më të lehtë në tregjet e vendeve në zhvillim. Ndërkohë që vendet në zhvillim thonë se subvencionet për fermerët e vendeve të pasura do të dëmtonin fermerët në vendet e tyre, nëse tregu do të ishte plotësisht i hapur. /VOA/
