Modelja italiane, Elena Benzanni, e cila është edhe e dashura e mesfushorit shqiptar, Valon Behrami, është prezantuar në tabloidin e njohur The Sun.

Derisa shqiptari është etiketuar si “Beckhami zviceran”, për shkak të nënshtetësisë dhe angazhimit për kombëtaren zvicerane, The Sun, në edicionin e saj online ka bërë publike një varg fotosh seksi të modeles italiane.

Valon Behrami kohë më parë ndërroi vendin qëndrimin e tij. Pas disa vitesh të suksesshme me klubin italian Lazio, nga ky sezon ai do të angazhohet për ekipin e Londrës, West Ham, ndërsa jeta në kryeqytetin britanik do t’i japë rast edhe modeles të zhvillojë karrierën e saj.

Gazeta e quan 25-vjeçaren si një vajzë e zjarrtë, punë e të cilës është të duket seksi dhe e mrekullueshme para fotoaparateve, dhe se këtë e bën në mënyrë fantastike.