UEFA informoi se nga EURO 2008, ka pėrfituar rreth 250 milion euro, tė cilat kanė mbetur pasi janė llogaritur tė gjitha harxhimet e garave.
UEFA informoi se nga EURO 2008, ka përfituar rreth 250 milion euro. Bëhet fjalë për të hollat, të cilat kanë mbetur pasi janë llogaritur të gjitha harxhimet për EURO 2008. Nga UEFA poashtu theksuan se pjesa më e madhe e të hollave do të drejtojnë në përparimin e garimit tek moshat e reja dhe në zhvillim të futbollit tek femrat.
Martin Kallen, drejtori operativ i UEFA-së, lajmëroi se ka pasur përmirësim në të gjithë fushat në krahasim me EURO 2004 në Portugali, e posaqërisht kur është në pyetje shikueshmëria, shfrytëzimi i transportit publik në vendngjarjet dhe mungesa e problemeve serioze në planin e sigurimit. Mirëpo ka pasur edhe mangësi. Këto më shumë kanë të bëjnë me tregun e zi të biletave dhe kohën e keqe gjatë pjesës së parë të garimit.
"Shitja e biletave është dhe mbetet një ndër problemet më të mëdha. Jemi munduar shumë dhe sërisht ka përfunduar shumë bileta në tregun e zi," ka deklaruar Kallen.
Gjatë EURO 2008 janë konfiskuar rreth 1.300 bileta në tragun e zi. EURO 2008 në mënyrë eksluzive u transmetua në ALSAT-M.
