Ambasadori i Bashkimit Evropian vėrteton se Qeveria e Shkupit nuk ka marrė dritė jeshile nga Komisioni Evropian pėr ligjet e energjetikės dhe pėr shpronėsim.
Fuere ka reaguar ndaj miratimit të dy ligjeve të këtilla, ndërsa shpjegoi se Qeveria para se të kërkojë sqarime nga BE-ja duhet paraprakisht të konsultohet me zyrën e saj në Shkup.
"Ndryshimet janë dorëzuar në Bruksel me qëllim që të shihet se a janë në harmoni me standardet e BE-së, por gjithashtu kemi inkorajuar Qeverinë që paraprakisht të konsultohet me ne me qëllim që të informohen se vallë Komisioni mund të lejojë ndryshime të këtilla", tha ambasadori Ervan Fuere.
Ndërsa kryeministri Nikolla Gruevski ka hedhur poshtë spekulimet se kabineti i tij ka miratuar vendim për shtrenjtimin e energjisë elektrike.
"Sipas ligjit nuk kemi mundësi të bëjmë ndryshime në çmimin e ujit, energjisë elektrike dhe ngrohjes qendrore. Ne gjithashtu nuk kemi urdhëruar kompanitë shtetërore ELEM dhe MEPSO që të kërkojnë rritjen e çmimit të energjisë", deklaroi kryeministri Gruevski.
Pas ndryshimeve të ligjit për energjetikë ekspertët energjetikë shprehen se çmimi i energjisë elektrike deri në fund të vitit mund të rritet me më tepër se 30 %. Me çmimin e ri një kilovat orë energji elektrike në tarifën e shtrenjtë në vend 2.6 denarë do të kushtonte 3.4 denarë, ndërsa në tarifën e lirë prej 1.3 do të kushtojë 1.8 denarë. Ndërsa në muajin shtator kompanitë shtetërore energjetike pritet të dorëzojnë kërkesë deri te komisioni rregullator për energjetike për rritjen e çmimit të energjisë elektrke. Jozyrtarisht dy kompanitë shtetërore do të kërkojnë rritje të energjisë për 40 deri 50 %./Alsat-m/
