Cristiano Ronaldo në mënyrë sensacionale ka deklaruar për gazetën spanjolle, "AS", se ai do t’i bashkëngjitet Real Madridit, dhe se javën që vjen do të udhëtojë në Manchester që ta njoftojë Sir Alex Fergusonin se ai po i braktisë kampionët anglezë dhe evropianë.

“Gjithçka shkon mirë. Javën që vjen do të kthehem në Angli dhe do t’u tregoj atyre se dëshira ime e vetme është që të luaj për Real Madridin dhe nuk do të negocioj për këtë çështje”, ka thënë Ronaldo për “AS”.

Sipas mediave spanjolle mesfushori i krahut të martën do të mbajë një takim me Fergusonin dhe pronarët e klubit të Djajve të Kuq për t’u treguar se ai nuk dëshiron të qëndrojmë më në Old Trafford.