Është në fakt, një nga ato lajme, që vështirë të besohet dhe për më tepër, që kërkon konfirmim. Gjithsesi thashethemet e para flasin për një martesë të mundshme të Ermal Fejzullahut dhe siç i thonë, "ku ka zë, nuk është pa gjë".

E ndërsa revista “albaniac”, në internet lanson këtë informacion, duket se fansat kosovar të këngëtarit, në forume janë të gatshëm ta plotësojnë. Thuhet se Ermali dhe e dashura e tij Ariana, e cila kohët e fundit është shfaqur edhe ne ambiente publike pranë tij, po mendojnë për martesë.

Derisa Ermali nuk i ka komentuar lajmet, që janë shkruar rreth jetës se tij private, fansat në internet shkruajnë me tej. Kështu, një komentuese në forume, pohon se arsyeja e martesës është shtatzënia e Arianes, lajm për të cilin ajo shkruan se e ka mësuar nga gjyshja e këngëtarit.

Thuhet, se përgatitjet për dasmën tashme kanë filluar dhe pritet një ceremoni e madhështore, ku pa dyshim nuk do të mungojnë personazhet VIP.