Në qytetin port të Hamburgut në veri të Gjermanisë, u zhvilluan garat finale të turneut “Red Bul”, në kërcim nga shkëmbinjtë.

Mes pjesëmarrësve të shumtë ishin edhe 11 kërcyesit më të mirë në botë. Shikuesve të entuziazmuar, ata u ofruan një spektakël akrobatik teksa hidheshin në ujë, disa nga lartësia deri 30 metra. Shoun nuk e pengoi as shiu, e as era e fuqishme. Një frymëzim i posaçëm për pjesëmarrësit ishte edhe vet platforma prej ku bëheshin hedhjet. Organizatorët shfrytëzuan një anije shumë të madhe transportuese izraelite të ankoruar në port. Kërcimet për herë të parë u mbajtën në Gjermani dhe për herë të parë në qendrën e një qyteti. Në gara shkëlqeu edhe kampioni evropian në kërcime nga shkëmbinjtë, gruaja e vetme pjesëmarrëse, gjermania Ana Bader, e cila kërcimin e vet e bëri nga lartësia prej 18 metrash.