Zyrtarë të Kombeve të Bashkuara i kanë përshëndetur orvatjet bamirëse të Brad Pitt dhe George Clooney, pasi që paratë të cilat ata i kanë grumbulluar kanë ndihmuar në sigurimin e ushqimeve për refugjatët në Darfur.

Autoritetet e Kombeve të Bashkuara ishin të detyruar t’i mbyllnin kampet e refugjatëve në Darfur për shkak të mungesës së fondeve, mirëpo aktorët hollivudianë kanë ndihmuar që një gjë e tillë të mos ndodh duke vepruar për të siguruar mjete për t’i ndihmuar të ikurit.

“E kemi dhënë një komunikatë për shtyp se jemi duke e mbyllur kampin për shkak të mungesës së fondeve, ndërsa ditën tjetër ne i kishim 500.000 dollarë. Ata (Pitt dhe Clooney) janë aty në rastet emergjente dhe bëjnë hapin e duhur kur është nevoja”, ka thënë zëdhënësja e OKB atje, Bettina Luescher.