Mbrėmė pas mesnatė rreth orės, 3 e 14 minuta, ėshtė rikthyer nė prodhim njėsia B1 e Termocentralit Kosova B. Lajmin e kanė konfirmuar pėr Telegraf, zyrtar tė Korporatės Energjetike tė Kosovės (KEK).
Njësia B1 e TC Kosova B është futë në prodhim mbrëmë rreth orës 3 e 14 minuta, tha Nezir Sinani, zëdhënës në KEK.
Sipas tij me kthimin e kësaj njësie, është ndaluar edhe importi i energjisë.
"Momentalisht në prodhim janë dy njësitë e TC Kosova B, njësia B1 dhe ajo B2 si dhe njësia A3 e TC Kosova A.
Sinani po ashtu tha, se me kapacitet që ka momentalisht KEK-u në dispozicion, janë zbutë dukshëm edhe reduktimet për të gjitha kategoritë.
Kategoria A do të furnizohet 24 me zero, ajo B, 5 me 1 ndërsa kategoria C, 4 me 2. Gjatë ditës edhe për kategorinë B dhe C do të ketë furnizim më të mirë.
Ndërkohë sipas Sinanit, njësia A3 e TC Kosova A, do të jetë në prodhim deri me datë 8 të këtij muaji kur edhe pritet të filloi importi i energjisë.
Ndryshe rënia nga sistemi e njësisë B1 të TC Kosova B, fundjavën e kaluar, la në terr tërë vendin. Për të zbutur gjendjen energjetike në vend, KEK-u kishte nxjerrë nga remonti vjetor, njësinë A3 të TC Kosova A, i cila ka qenë e paraparë të kthehet në prodhim me 1 shtator, si dhe kishte filluar me importim të 170 megavateve. /Telegrafi/
