Teprica prej 5 mijė tone domatesh pėr konsum nė Maqedoni, nė ditėt e ardhshme do tė blihet nga fabrikat pėr konservim.
Që të zgjidhet problemi i paraqitur me domatet për konsumim në Strumicë, kapacitetet për konservim do të marrin kredi të volitshme nga fondi garantues i bujqësisë me qëllim që për një periudhë më të shkurtër t'i shlyejë prodhuesit e domatëve.
"Indrustria për konservim në Maqedoni në këtë moment mund të blejë rreth 270 tonë domate në ditë, të cilat do të përpunohen në keçap. Industria për konservim përmes sigurimin e mjeteve financiare nga fondi i bujqësisë për kreditim do të provojë ti shlyejë më shpejt prodhimtarët", deklaroi ministër i bujqësisë Aco Spasenoski.
Risto Velkov, prodhues nga Strumica thotë se tani shitet me çmim prej 6 denarë, ndërsa çmimi real i domatëve për konsumim duhet të jetë 22 denarë.
Gjorgjija Duçkov nga Zora Shped" nga Gjevgjelia thotë se për t'iu ndihmuar prodhuesve kanë ofruar çmim prej 5.50 denarë në vend të 3.50 denarë, siç ishte vitin e kaluar. "Mendoj se problemi do të zgjidhet", shpreson Duçkov.
Drejtori i fabrikës "Domate" në Shën Nikollë, Gjorgji Mitrev thotë se për një kilogramë produkt domateje shpenzimet janë 70 denarë, ndërsa çmimi i një kilogrami salcë domatesh për eksport është 60 denarë. "Ne në fillim do të kemi humbje nëse nuk e ndryhshojmë çmimin", shton Mitrev.
Përveç çmimit të ofruar për domatet nga kapacitetet përpunuese, prodhuesit do të marrin edhe fonde nga subvencionet për kulturat të cilat nuk janë shpërndarë...., bëhet fjalë për një shumë prej 46 milionë denarë. Që të mos ballafaqohet më me tepricë të prodhimeve, atëherë vetë prodhuesit duhet ti përmbahen një plani prodhimi. Domatet gjatë muajit korrik duhet të prodhohen për industri e jo për konsumim.
