Ylli i filmit "Koha e kometës", Blerim Destani, ka njoftuar se do të aktrojë në një film hollivudian.

Aktori tetovar gjatë emisionit “Express” të KTV ka dhënë disa informata mbi rolin e tij në një film i cili do të jetë produksion gjermano-amerikan, ku rolin kryesor do ta luajë aktori dhe regjisori veteran, Robert Duvall.

Destani ka thënë se do të luajë një rol të vogël, mirëpo shumë të rëndësishëm, pasi që do t’i ndihmojë të ngjitet në skenat botërore të filmit.

Meritat për pjesëmarrje në këtë film Destani ia referon filmit “Koha e kometës” dhe premierës së tij në Berlin.