Me ēmontimin e gjithė enterierit, nė Ohėr filloi rrėnimi i shtėpisė Uranija, pėrmendore e posaēme e kulturės sė shekullit 19.
Sipas rekomandimeve të profesorëve të Fakultetit të ndërtimtarisë në Shkup, rindërtimi i objektit i cili tani është pronësi e Akademisë së Shkencave dhe Arteve të Maqedonisë, do të zhvillohet në disa faza. Së pari do të rrëzohet çatia , e pastaj kati i parë dhe i dytë. Kjo fazë duhet të përfundojë brenda 15 ditëve.
Gjatë realizimit të fazës së dytë në mënyrë statike do të përforcohen pjesët e bodrumit dhe të katit përdhese të shtëpisë Uranija dhe pastaj do të vendoset pllaka e betonit mbi katin e parë dhe do të bëhet përtëritja faksimile e objektit, kati i parë, i dytë dhe çatia, tha Tanja Paskali Buntahsevska, drejtore e Entit dhe Muzeut të Ohrit.
Pasi gjatë verës u njoftua se këtë muaj do të fillojë rrënimi i shtëpisë Uranija, reagoi një pjesë e historianëve. Sipas tyre me përdorimin e materialeve të reja, si për shembull të betonit, do të humbet struktura autentike e Uranijas, ndërsa ajo që do të mbetet do të jetë vetëm replike dhe fasadë e mirë e rrejshme.
Nëse jemi serioz dhe nëse dëshirojmë ta kemi shtëpinë Uranija të shekullit të 19, atëherë ose duhet ta meremetojmë dhe të mbetet kështu sikurse është pa instaluar ashensorë ose ta ndërtojmë përsëri me materialet e njëjta dhe sipas parimeve të njëjta. Kështu faktikisht do të fitojmë kiborg-gjyshe, do të thotë një ndërtesë të njëjtë e cila ka vetëm formën e ndërtesës së vjetër, kurse brenda do të kemi robotin e çelikut dhe të betonit, theksoi Nikos Çausidis nga Katedra për histori pranë Universitetit Kirili dhe Metodi.
Rindërtimi i objektit i cili tani më tre vjet nuk është funksional do të përfundoj deri në fillim të sezonit të ardhshëm veror.
