Festivali për ringjalljen e Çarshisë së vjetër të Shkupit dhe promovimin e vlerave të saj do të zhvillohet për herë të tretë.

Festivali “Tingujt e Çarshisë” do të hapet të shtunën me paradën tradicionale të Orkestrit të qytetit nga sheshi Maqedonia, nëpër Urën e gurit drejt Çarshisë së vjetër. Dita e parë do t’i kushtohet folklorit, poezisë dhe artit ndërsa në mbrëmje në lokacionet Çifte Hamam dhe sheshi i Skënderbeut do të zhvillohen koncerte muzikore.

“Moti kur unë isha i ri Çarshia ishte qarkullimi i gjakut të Shkupit por tani nuk është ashtu. Ne me këtë manifestim dëshirojmë që të jemi iniciatorë që problemi i ringjalljes së Çarshisë të zgjidhet. Puna jonë është të tregojmë se Çarshia mund dhe duhet të jetojë”, u shpreh Boris Momirovski, drejtor i Dendrës kulturore për të rrinj.

Të dielën programi do të jetë më i pasur me aktivitete për të rinjtë sikurse janë shfaqjet teatrore dhe sfilata e modës, ndërsa në mbrëmje do të zhvillohet Festivali i rrugës në të cilin do të prezantohet grupi teatror 007. Organizator i festivalit është Bashkia e Shkupit dhe Qendra kulturore për të rinj.