Banka gjermane - 'Deutsche Bank' siē duket nė dy hapa do tė bėhet pjesėmarrėse nė 'Postbank'. Megjithatė as me kėtė veprim ende nuk janė mėnjanuar presioni i konsolidimit dhe ethet e fuzionimit nė sektorin bankar gjerman
Shefi i Bankës Gjermane - 'Deutsche Bank', Josef Ackermann nuk e ka fshehur asnjëherë se 'Postbank' do t'i përshtatej shumë mirë institutit të tij. Posaçërisht në tregun e klientëve privat Banka Gjermane do të përforcohet shumë. Përfundimisht me 14,4 milionë klientët e saj, 'Postbank' është banka më e madhe e klientëve privat në Gjermani. Martin Blessing, shef i Komerzbankës (Commerzbank) i cili para dy javësh kishte paralajmëruar se do të marrë në dy etapa Bankën e Drezdenit - 'Dresdner Bank' i sheh me zili dhe tregon respekt për planet e kolegut të tij në Bankën Gjermane:
"Unë përshëndes çdo hap të konsolidimit në Gjermani. Besoj që në 10-15 vitet e fundit në Gjermani ne kemi folur shumë për procesin e konsolidimit, por kemi bërë relativisht pak në këtë drejtim. Kështu që vetëm mund të them se për financat në një periudhë afatgjate, për klientët dhe për të gjithë pjesëmarrësitë konsolidimi mund të ketë vetëm kuptim andaj them që çdo hap në këtë drejtim ndihmon".
Me ketë marrëveshje Deutsche Bank përmirëson edhe më tej pozitën e saj në krye të sistemit bankar gjerman. Parë nga shuma e bilancit ajo ishte dy herë më e madhe se sa Komercbanka (Commerzbank). Megjithatë në rrafshin ndërkombëtar bankat gjermane edhe pas kësaj faze konsolidimi luajnë ende violinën e dytë apo të tretë. Sipas vlerës në bursën botërore Banka Gjermane - 'Deutsche Bank' renditet në vendin e 32-të ndërkaq Kommerzbank-a në vendin e 80-të.
Fakti që bankat private gjermane luajnë në ligën e dytë në arenën ndërkombëtare, sipas pikëpamjes së tyre ka një arsye të thjeshtë: ato e ndjejnë veten të ngulfatur nga sistemi special bankar gjerman. Manfred Jäger ekspert i financave pranë Institutit të Ekonomisë gjermane në Köln:
"Ne kemi një segment të madh shtetëror në fushën bankare i cili përfshin pothuajse 40 përqind. Pavarësisht se për çfarë flasim rreth 40 përqind e sektorit bankar gjerman është në duart e shtetit".
Ky sistem ka përparësitë dhe mangësitë e tij. Tek përparësitë bën pjesë se dy grupet të mëdha bankare, Arkat e Kursimit (Sparkasse) publike dhe institutet kooperativiste janë të shtrira gjithandej dhe përkujdesen në veçanti për kreditë e shtresës së mesme. Si problematike megjithatë shihet padepërtueshmëria në mes të tri boshteve Bankave Private, Bankave Kooperativiste dhe Arkave të Kursimit (Sparkasse). Në këtë mënyrë pengohen fuzionimet e bankave dhe me këtë edhe zhvillimi i bankave që ati të jenë në gjendje të luajnë në Ligën e Parë Botërore.
