Piloti i McLarenit, Lewis Hamilton, ka thënë se kampioni aktual i Formula 1, Kimi Raikkonen, nuk ka zemër ta sfidojë atë këtë sezon.

Hamilton e fajëson vozitësin e Ferrarit për dënimin me 25 sekonda të cilin e mori në garën e Belgjikës, me ç’rast u rendit i treti, pavarësisht se e përfundoi garën i parë.

“Kjo është mënyra si vozit ai. Nëse nuk ke zemër për frenim të vonshëm, atëherë ky është problemi yt”, i ka thënë Hamilton kampionit.