Opera vjen pėr herė tė parė nė Teatrin shqiptar tė Shkupit,ku nė rolet kryesore janė Vesa Ajdini, Besiana Mehmeti dhe Mustafa Imeri.
Pas Ohrit dhe Strugës opera "Robërimi i Jonus Williamsit" pati premierën e saj në Shkup. Kjo operë vjen për herë të parë në Teatrin shqiptar të Shkupit me regji të Natasha Popllavskës dhe nën dirigjimin e Sasho Tatançevit. Ne rolet kryesore ishin Vesa Ajdini, Besiana Mehmeti dhe Mustafa Imeri. Historia e Jonusit, vajzes së vogël e cila vidhet nga indijanet, ambientimi me jetën e tyre pjesë e të cilës ajo bëhet dhe vendimi që ajo merr për të qëndruar me ta dhe për të mos u kthyer në familjen e saj të kujtojnë historitë e Perëndimit të egër në Amerikë.
Kjo operë mblodhi artistët më të mirë shqiptarë të muzikës klasike këtu në Maqedoni. Opera e kompozuar nga Polla Kimber u këndua në gjuhën angleze, por mesazhi u përcoll aq bukur nga artistët sa publiku nuk e ndjeu se opera u shfaq në gjuhë tjetër. Kjo operë të jepte idenë e një mjuzikëlli të Broduejit dhe u prit me duartrokitje nga publiku i pranishëm në sale i cili nuk ishte në numër të madh duke treguar se këto lloj shfaqesh të cilat në botë shesin numër rekord biletash këtu ende nuk gjejnë mbështetje."Robërimi i Jonus ëilliamsit" do të jepet në teatër edhe në datën 17 shtator.
