Pas suksesit të madh të cilin e ka arritur në kinematë shqiptare filmi "Sex And The City", këngëtarja Eneda Tarifa ka thënë se ajo që ndodh në filmin, i cili ka pasur për bazë serialin me të njëjtin emër, është e paarritshme për femrat shqiptare.

Eneda thotë se pavarësisht se edhe femrat shqiptare kanë filluar të imitojnë jetën e perëndimit duke i dhënë vetes paksa liri intimiteti, prapëseprapë femrat shqiptare janë të nënshtruara, dhe u pëlqen kjo gjë.

Shqiptaret, gjithmonë sipas Enedës, kanë dëshirë të jenë të përkulura në favor të meshkujve, pasive dhe të ndrojtura, thjeshtë e kanë të krijuar kulturën e të qenit “të sunduara”.