Nuk është stina kur mund të rrish me minuta të tëra të kujdesesh shumë pë ta.Këtu gjen disa ide që të realizosh shpejt një model flokësh, i cili ju bën trendi dhe sensuale.

Bishtaleca për të rriturat



Ky lloj modeli – dy bishta poshtë kokës – i mban flokët në ditët e nxehta të verës larg fytyrës dhe ju jep pamjen seksi të flokëve në shpatulla. Dhe ju premtojmë se nuk do lodheni për t’i stiluar. Thjesht ndaji flokët në mes duke përdorur gishtat (krehri do ta bënte shumë të rregullt ndarjen) dhe lidh të dyja anët bisht në qafë, duke i tërhequr pak sipër llastikut dhe ngacmoji me gishta bishtat për t’i shpupuritur.




Topuzi i vajzave dembele

Topuzët mund të jenë modeli më i “klikuar” i flokëve në verë – janë plotësisht chic dhe anti-vapë. Sigurisht që ti di tashmë si t’i bësh flokët topuz: thjesht kap flokët bisht pranë qafës, rrotulloje fort bishtin rreth vetes dhe fiksoje me ca karfica flokësh (bonus: funksionon si me flokë të lagur, dhe të tharë). Këtë stinë, përpiqu t’i zbukurosh flokët me shkopinj që shkëlqejnë ose vër ndonjë rreth.

Flokë si valë deti



Sigurisht që është e mërzitshme t’i kapësh çdo ditë flokët. Mbaji flokët me valëzime të mëdha, që i bëjnë të duken natyralë: përdor balsam pas shpëlarjes në flokë të butë (më mirë po të kesh qenë duke notuar në det e t’i kesh me ujë të kripur, se do t’ju shtonte një efekt sexy) dhe rrotulloji në dy topuzë të mëdhenj, duke i kapur mbi kokë. Lëri të thahen, ndërkohë që ti qëndron në diell ose mbaji të kapur gjatë natës, pastaj lëshoji. Lagështia do bëhet miku më i mirë për volumin e flokëve!



Një “bisht kali” më femëror

Ti mund të bësh këtë model flokësh edhe pa përdorur shirit apo rreth flokësh. Në fakt, ti ndoshta e ke bërë këtë truk edhe në fëmijëri – lidhi flokët në një bisht të vetëm, pastaj shto llastiqe flokësh çdo pesë centimetra përgjatë bishtit (ose për flokë më të shkurtër, çdo 2 centimetra). Ja dhe sekreti që e bën këtë kapje flokësh prej perëndeshe greke: tërhiq lehtë flokët midis dy llastiqeve për t’u dhënë një fryrje të bukur.