Pėr momentin nuk do tė ketė njė operator tė katėrt tė telefonisė sė lėvizshme nė Maqedoni, pavarėsisht se para njė viti e gjysmė u njoftua se vendi kishte nevoje tė zgjeronte konkurrencėn nė kėtė treg.
Nga Ministria e Transportit dhe Telekomunikacionit deklarojnë se ndjekin rregullisht zhvillimet e tregut të komunikimeve elektronike dhe nëse do të verifikohet një shtim i kërkesës do të zbatohet projekti për futjen e një operatori të katërt.
Është e dukshme që dëshira për të futur një operator të katër të lëvizshëm po ulet gradualisht, që kur operatori Vip, që këto ditë feston një vit pune, ka arritur të ulë çmimet e shërbimeve të telefonisë së lëvizshme dhe të rrisë përqindjen e depërtimit deri në 106.
Disa mendojnë që hyrja e një kompanie të katërt të madhe do të çojë në një ulje të madhe të kostove të shërbimeve të ofruara, që do të ishte në interes të konsumatorëve.
Përvoja e vendeve evropiane tregon që hyrja në lojë e një operatori të tretë i ul çmimet me 15% dhe një të katërti i ul më tej me 8%.
Ky ka qenë rasti i Kroacisë, ku qeveria i ka dhënë operatorit të katërt një leje të kombinuar për gjeneratat 2G dhe 3G të telefonisë së lëvizshme. Në Rumani, ku ka 4 operatorë, ofrohet një paketë e telefonisë së lëvizshme për vetëm 10 euro.
