Superylli latin i muzikës pop, Shakira, ka kërkuar nga latinët amerikanë që të votojnë për Barack Oabaman në zgjedhjet e muajit të ardhshëm.

Hitbërësja e këngës “Hips Don't Lie” i është shtuar listës së gjatë të të famshmëve që kanë mbështetur kandidatin demokrat për president.

“Unë e mbështes Barack Obaman, sepse mendoj se ai është personi i duhur për t’i përfaqësuar SHBA-të. E ndjej në brendi se ai mund të sjellë paqe dhe besim në SHBA”, ka thënë këngëtarja kolumbiane.