Njė delegacion i Qeverisė sė Maqedonisė kah fundi i muajit do ta vizitojė Bullgarinė qė tė konstatojė se a ka mundėsi qė tė investohet nė centralin bėrthamor "Belane".
Sipas informative të Qeverisë, të gjitha variantet janë të hapura dhe do të shqyrtohet konstruksioni financiar dhe a do të mund që të hyjë në partneritet me Qeverinë e Bullgarisë dhe me kompaninë gjermane Er-Be-E, që fitoi tenderin për ndërtimin e centralit bërthamor. Presidenti i republikës Branko Cërvenkovski si dhe një pjesë e opinionit të ekspertëve bënë thirrje për përfshirjen sa më të shpejt në këtë projekt.
"Nëse tani shtrëngohet rripi dhe investohet atje, në rrugë më të gjatë do të ndjehen efekte serioze. Kjo është po ashtu sikurse të merrni me qira banesë ose të blini banesë. Gjatë blerjes së banesës do të goditet seriozisht xhepi, por në kohë më të gjatë, duke mos paguar qira, por duke e paguar këstin, ju keni një efekt serioz pozitiv", thotë Atanasko Tunevski, profesor i fakultetit të Makinerisë në Shkup.
Qeveria, ndonëse mendonte, tani për tani, nuk do të investojë në eksploatimin e qymyrit nga Kosova, duke e hedhur vëmendjen në kërkimin dhe hapjen e minierave në shtet. Veç kësaj po paralajmërohet investim edhe në disa hidrocentrale dhe ndërtimi i një dige, për financimin e së cilës do të bisedohet me Bankën Botërore në Kuvendin e ardhshëm vjetor të këtij institucioni. Do të blihen turbina të reja për tri blloqet e Kombinatit Xehetaro-Energjetik (KXE) "Bitolla", financimin ta bëjë ELEM-i me ndihmën e shtetit ose do të marrë një kredi të volitshme nga Banka Botërore. Sa iu përket tenderëve për ndërtimin e hidrocentraleve "Çebren" dhe "Galishte", sipas Qeverisë, ato janë në fazën përfundimtare dhe këto ditë duhet të bëhet e ditur se cila kompani do ta fitojë të drejtën e ndërtimit, kompania gjermane Er-Ve-E apo ajo austriake "Verbund".
