Aktori Jason Priestley ka konfirmuar se ai do t’i rikthehet ish-serialit “Beverly Hills, 90210”, për të realizuar regjinë e njërës prej episodeve.

Aktori, i cili ka bërë edhe regjinë e 18 episodeve të kësaj serie tinejxherësh, thotë se do të rikthehet në muajin janar, por nuk do t’u bashkohet aktorëve para kamerave.

“Do të rikthehem, por në cilësinë e regjisorit... Ata janë pajtuar të më lejojnë të bëj regjinë e episodit në janar, menjëherë pas pauzës së Krishtlindjeve. Kjo nuk është asgjë e re. Kam bërë regjinë e më shumë episodeve (të Beverly Hills, 90210), më shumë se çdokush tjetër”, ka thënë Priestley.

Priestley shpreson që edhe Shannon Doherty dhe Jennie Garth të rikthehen në shou, për episodin e tij.