Spanja ka shënuar fitore me rezultat 3-0 si mysafire e Estonisë, për ndeshjen e rëndësishme kualifikuese në Grupin e Pestë.

Kampionët e Evropës kaluan në avantazh me anë të Juanitos (31’), ndërsa pas tre minutash dyfishoi golashënuesi më në formë spanjoll, David Villa, duke vënë rezultatin e fundit të pjesës së parë, 2-0.

Spanjollët shënuan edhe njëherë në pjesën e dytë me anë të qendërmbrojtësit Carles Pyol (69’), për ta mbyllur më bukur këtë takim.

Takimi derbi i Grupit të Shtatë ndërmjet Rumanisë dhe Francës ka përfunduar me rezultat të barabartë, 2-2.

Nënkampionët e Botës kanë arritur ta barazojnë avantazhin e vendasve prej dy golash.

Petre dhe Goian ia dhanë epërsinë e hershme Rumanisë (5’ dhe 17’), mirëpo Ribery dhe Gourcuff (37’ dhe 69’) ruajtën nderin e Les Bleus duke barazuar shifrat.